Shiwuli-ශිව්ලි

“ඒ කෙල්ල ශිව්ලි නෙමෙයි, ඒ එයා නෙවෙයි. ඉනේශ් මං මොනවද කරන්නෙ?” “මොකක් ශිව්ලි නෙවෙයි”
“ඔව් බං, ඒ ශිව්ලි නෙමෙයි. ඒක දැනගත්ත වෙලාවෙ ඉදන් මට පිස්සු වගේ බං”
වේදනාවෙන් ආරව් කියන මුලු කතාවම අහගෙන හිටියත් තවම දුණුවිල මහත්තයා ඉන්නෙ අග මුල පැටලගෙන.
“රිශ්, එතකොට ඒ ඇක්සිඩන්ට් එක නිසාද ඔයා ඒ ගෑනු ළමයව මැරි කලේ?” ආරව් බිම බලාගෙනම ඔලුව වැනුවෙ ඔව් කියන්න
“ඕහ්, මයි ගෝඩ් මේ කොල්ලා පිස්සෙක්නේ”
“ඒත්, මගෙ අතින් ඇක්සිඩන්ට් උනේ ඒ කෙල්ල නෙමෙයි, එයාගෙ අක්කා.”
“මොකක්, ඒ කිනායාද?”
ආරව් කියන කතාවෙ බරපතලකම තේරෙද්දී හැම මූණකම තිබුනෙ පුදුමයක්.
“එතකොට මේ ඔයා හොයපු කෙල්ල නෙමෙයි නම් ඔයා හදන්නෙ මේ කෙල්ලව අත අරින්නද?” අන්තිමටම දුනුවිල මහත්තයා ඇහුවේ නළලත් රැලි කරන්.