Chakrola-චැක්‍ රෝල

ජීවත් වන්නන් සියල්ලන්ම මිනිසුන්මය. වෙනස කලු සුදු හෝ දුඹුරු පාටින් නොවේ. මිනිස්කමේ වර්ණ වලින්ය. එය පීඩිත සහ පීඩක ලෙසින් දෙගොඩක් කරන්නට ඇතැමෙක් තැත් කරති. එහෙත් පීඩකයාද පීඩිතයා බවට පත්වන්නට හෝ පීඩිතයාම පීඩකයා බවට පත්වන්නට හෝ ගතවන්නේ ඇසිල්ලකි. මිනිස්කම යනු මේ සියල්ලම යයි මට සිතේ. කෙටිකතාවක් කෙටිම කෙටි හෝ බොහෝ දිග හෝ විය හැකිය. ඒ සඳහාද කාලය සහ සංස්කෘතික හුරුපුරුදු බලපවත්වනවා විය හැකිය. විශේෂත්වය විය හැක්කේ කෙටිකතාවකට පාදක විය හැකි මානුෂිකත්වයයි. මන්ද, කෙටිකතාවක් පුරා සැරිසරමින්, ජීවිතය නම් මේ යයි පෙන්වාදෙමින් එහිම රැඳෙන බොහෝ දෙනෙකු මිනිසත්කම නැමැති විෂය තුළින් පෝෂණයවී තිබීමයි. එය හොඳ හෝ නරක යයි හංවඩුව ගැසී තිබිය හැකිය. එහෙත් වඩාත්ම වැදගත්වන්නේ කෙටිකතාවකින් නිරූපනය වන මනුෂ්‍යත්වයම පමණි.