Kukulek athin gath kikili – කුකුළෙක් අතින් ගත් කිකිළී

ඇය කලින් කලට මතුවෙන කැමැත්තට අනුව කුකුළන් මාරු කළා ය. මාරුව කවරක් වුවත් ගෙදරින් එළි පහළියට යන ඕනෑම කාල හෝරාවක අතින් ගත් කුකුළෙක් නම් වරදින්නේ ම නැත. අතේ ඉන්නා කුකුළා අලුත් කුකුළෙක් නම් ඒ සටන් පුහුණුවට රැලෙන් වෙන් කර ගත් කුකුළෙක් ය. ගැන්සියෙන් වෙන් කර කුකුළෙක් හදනවා යනු ඌ හුදෙකලා කොට තැබීම වුවත් කිකිළී කරන්නේ ඌ වෙනත් වෙනත් ගැන්සි අතර කරක් ගස්සන එක ය. ඇය ඌ රැගෙන ඉඳහිට අපේ ගැන්සියට පවා ආවා ය.