Abul Abilla – ඇඹුල් ඇඹිල්ල

මුල් කාලයේ නොගැළපෙන හැමදේම ගළපන්නට ගත් උත්සාහය ම යොදාගෙන ගැළපුණ හැමදේම නොගැළපෙන තැනට ගෙනෙන්නට කටයුතු කළේ ද ඔහු ය. සුන්දර වූ කඳු මුදුනකට අතින් අල්ලා රැගෙන ගොස් කඳු මුදුනේ දී දෙඇස් බැඳ කන්දෙන් පහළට තල්ලු කර දැමුවා හා සමාන හැඟීමක් ගෙවී ගිය කාලය ගැන මගේ මනසේ රැඳී ඇත. මා පසු කරමින් සිටින්නේ ඉතා දුෂ්කර කාලයකි. ඔහු මා ඇද දැමූ ප්‍රපාතය පාමුල සිට ප්‍රපාතයට වැටීමේ දී අබලන්ව ගිය මගේ සිත ද වාරු කරගෙන එයින් ගොඩ ඒමේ සටනක මම නියැළෙමි.