Sinuwa nada karapalla-සීනුව නාද කරපල්ලා

ශෛලස්ථම්භ පතාක මැදත් එහෙම මොකක් හරි කරන්නට බලා සිටින උන් එල්ලී සිටින විට නෘත්‍යාගාරයේ භූමී පර්ශදයේ බුමුතුරුණු පියැසි මත හිමිදිරි අරුණෝදයක වෘන්දාවන ගුල්මයේ ළදලු අශෝක පත්‍ර අගින් මේ දැන් සුරා පෙරා ගෙනාවම්හ යි සිතිය හැකි පළිගු මිණි සිගිති බඳු පිනි කිනිති අහුරු පිටින් තැන තැන පොකුරු ගැසී උන්නෝය. ඒ. සමහර ඒවායේ මුහුණු මත වූයේ අලස උදාසින ඇනුම්ය. සමහර ඒවා තවම නිදිබරිනි සමහර ඒවාට තිබුණේ බාහිරින් ඒවා බලන මොනම යකෙකුටවත් ඒ පිනි බිංදුව නිර්මාණය වූයේ මොන මොන රසායනික ද්‍රව්‍ය සුසංයෝගයෙන් දැයි විහිළුවටවත් හිතන්නට බැරි අන්දමේ දෝනා මුහුණුය.