Sinhala Wakkoshaya Ashritha Nuthana Prawanatha Saha Nawa Parimitha Swarupa – සිංහල වාක්කෝෂය ආශ්‍රිත නූතන ප්‍රවණතා සහ නව පරිමිත ස්වරූප

සමාජ ප්‍රවණතා සමග භාෂාවෙහි සිදු වන වෙනස් වීම්, භාෂා අධ්‍යයනයෙහි නියැලෙන්නන් ගේ අවධානයට ලක් විය යුතු ය. සිංහල භාෂාධ්‍යයන විෂයයෙහි ලා ද මෙම යාවත්කාලීන වීම වැදගත් ය. කොවිඩ් වසංගතය සහ අතථ්‍ය මුදල් ක්ෂේත්‍රය ආශ්‍රිත අදහස් සිංහල භාෂාවෙන් සන්නිවේදනයත් සමග ඒ සඳහා අවශ්‍ය වාක්කෝෂ ක්‍රමයෙන් විකාසය වූ ආකාරය, ඒ ඇසුරෙන් හඳුනා ගත හැකි භාෂා ලක්ෂණ වැනි කරුණු මෙන් ම කොවිඩ් වසංගතය සහ අතථ්‍ය මුදල් ක්ෂේත්‍රය පාදක කර ගනිමින් සිංහලයෙහි නව පරිමිත ස්වරූප හඳුනා ගැනීම වෙත ද මෙහි ලා අවධානය යොමු කෙරේ.

සිංහල භාෂා අධ්‍යයනයෙහි නියැලෙන්නන්, සමාජ ප්‍රවණතා සමග වාක්කෝෂයෙහි ඇති වන ප්‍රවණතා නොවැදගත් යැයි නො සලකා ඒ සම්බන්ධයෙන් සාවධාන වීම වැදගත් ය. ප්‍රධාන අංශ දෙකට අමතර ව එවැනි ප්‍රවණතා කිහිපයක් පිළිබඳ සැකෙවින් ගෙන හැර දැක්වීම ද මෙහි දී සිදු වෙයි. කාලානුරූපී ව සිංහල වාක්කෝෂයෙහි ඇති වන ප්‍රවණතා විමර්ශනයත් ඒ ඔස්සේ නව පරිමිත ස්වරූප හඳුනා ගත හැකි ද යන කාරණය පිළිබඳ අවධානය යොමු කිරීමත් සඳහා මෙම කෘතියෙන් ඇරියුම් කෙරේ.