Adbutha lium kawaraya-අද්භූත ලියුම් කවරය

“E” අකුරෙන් කියවෙන වචනයක් ගැන හිතුවොත් අපිට Enemy කියලා කියන්න පුළුවන්. ඒ වචනයේ තේරුම තමයි සතුරා කියන එක. මේ කතාවෙන් කියවෙන්නේ ඒ විදිහේ සිදුවීමක් ගැන.

පඳුරු යාය තුළ සැඟව සිටි මිතුරන් තිඳෙනා යාන්තමට එබී බැලූවා. කාන්තාවක් සහ පුරුෂයෙක් කාරයෙන් බිමට බහින ආකාරය ඔවුන්ට පෙනෙනවා. ඒ මිනිසා මිටි අයෙක්. ඔහු කොළ පැහැති ඇඳුම් කට්ටලයක් හැඳ දම් පැහැති ටයි පටියක් පැළ සිටිනවා.

” ඒ ඉන්නේ එයා තමයි. සෑහෙන කාලෙක ඉඳන් අපේ පස්සෙන් පන්නන්නෙ ඒ හාදයා තමයි.”

ජෝෂ් සිහින් හඩින් මිමිණුවා, මිනිසා සහ කාන්තාව ටික වෙළාවක් මොනවාදෝ කතා කරමින් සිටියා. ඊට පසුව ඔවුන් කාරයට ගොඩවුණත් එය පදවාගෙන ගියේ නෑ.

” ඒ අය මොනවද කරන්නේ ?.”

ජෝෂ් ඇසුවා, ඩින්ක් කෙල උගුරක් ගිල දමමින් සිය කමිසයට යටින් දමා තිබු ලියුම් කවරය ස්පර්ෂ කෙරුවා. ඔහු මෙසේ පැවසුවේ ඊට පසුවයි.
“ඒ අය මාව තමයි හොයන්නේ.”